22 июльышто Марий Эл Избиркомышто избиратель-влаклан «шокшо линий» почылтын. Тудо 8 сентябрь марте пашам ышташ тӱҥалеш.
Тушко йыҥгыртен, тений 6,7 да 8 сентябрьыште эртышаш сайлымаш дене кылдалтше кеч-могай йодышым рашемдаш лиеш. Марий Эл Избиркомын «шокшо линий» операторжо избирательлан илыме верже але кушто улмыж дене келшышын тудын йӱклышаш участкыжым муын пуаш полша, участкыште огыл кузе йӱклаш лиймым умылтара.
Л.Камалетдинова
