Таче Марий кугыжаныш университетын Национальный тӱвыра да тӱвыра-влак кокласе кыл институтыштыжо школышто тунемше-влаклан этнокультур предметла дене республик кӱкшытан олимпиаде лийын.
Марий (шочмо) йылме, марий литератур, марий (кугыжаныш) йылме, ИКН предметла дене шинчымашым олимпиадын район кӱкшытыштӧ эртыше этапыштыже сеҥыше ӱдыр-рвезе-влак – 9-11 класслаште тунемше 103 еҥ – тергеныт. Уш-акыл таҥасымашым торжественно почмо годым нунылан сеҥымашым Марий Эл образований да науко министр Л.Ревуцкая, Марий кугыжаныш университетын ректоржо М.Швецов тыланеныт.
Республик кӱкшытыштӧ сеҥыше-влак регион-влак кокласе олимпиадыште шинчымашым ончыктат, тудыжо 17 февральыште лиеш.
Г.Кожевникова
Снимкыште: 9-11 класслаште тунемше-влак марий (шочмо) йылме дене олимпиаде годым заданийым шуктат.
Авторын фотожо
