УВЕР ЙОГЫН

Школ-влаклан – 9 у автобус

 

Марий Элысе школ-влаклан 9 у школ автобус «толын».

Республикым вуйлатыше Юрий Зайцев палемден: тиде школ транспорт паркым уэмдымаште кӱлешан ошкыл.

Пытартыш вич ийыште Марий Эллан  «Единый Россий» партийын тӱҥалтышыж почеш илышыш пурталтше «Школ автобус» программе почеш 160 у автобусым пуымо. Кызыт республикыште 364 маршрут дене 6 тӱжем утла тунемшым школлаш шупшыктат.

У школ автобус-влак лӱдыкшыдымылык шотышто йодмаш-влаклан келшыше улыт: «ГЛОНАСС» системан, тахографан да  кӱлешан моло оборудованиян.

Марий Элым вуйлатышын МАХ каналысе лаштыкшын уверже негызеш Галина Кожевникова ямдылен.

Фотом Марий Элым вуйлатышын МАХ каналысе лаштыкше гыч налме.

Добавить комментарий