Марий Эл правительстве пӧртыштӧ кундемыштына концессий ойпидыш почеш чоҥалтше школ-влак шотышто каҥашымаш лийын.
Ушештарена, тиде йӧн дене кызыт Килемар районысо Кугу Памъялыште тунемме вер нӧлталтеш, тыгак Йошкар-Оласе «Синяя птица» гимназийын оралтыже ышталтеш.
Марий Элым вуйлатыше Юрий Зайцев совещаний тӱҥалтыште палемден: школ-влак чоҥалтыт, но ты пашан кажне йыжыҥыштыже тергымашым эртарыман.
Чоҥымаш, архитектур да илыме вер-коммунал озанлык министр Наталья Ошланован увертарымыж почеш, Кугу Памъялыште тунемме вер 55 процентлан ямде. Кызыт тушто кӱварым, туврашым, спорт кумдыкым шотыш кондат. А «Синяя птица» гимназийыште палмдыме пашам 18,5 процентлан шуктымо.
Регионым вуйлатыше палемден: нине объектлам сайын тергымым умбакыже шуйыман, обязательстве пудырталтшаш огыл.
Марий Эл Республикым вуйлатышын администрацийжын информаций паша пӧлкажын уверже негызеш Г.Кожевникова ямдылен.
