«Йоча хоспис» поро кумыл фонд кофе ден чайым шолтышо кофейне, кафе, бар, ресторан, кондитерский-влакым да тыгай шотан чыла заведенийым шыже еда эртаралтше «Поро кофе» поро кумыл акцийыш ушнаш ӱжеш.
Фонд эмлаш лийдыме йоча-шамычлан полшаш кумылан еҥ-влакым 2019 ий гыч иквереш уша. 2021 ийыште йоча хоспис нерген стереотипым кораҥда да икшывын илышыж верч кече еда кучедалше, еҥ-влаклан лым лийде полшышо йолташыже-шамыч нерген каласкала.
Акций жапыште погымо оксам неле чер дене орланыше йочам ончышо еш-влаклан сайрак кочкышым, кучылтмо материалым: подгузникым, вӱдыжгӧ салфеткым, йолымбалым да молым – налаш ойыра. Погымо средства дене тыгак регионлаште илыше йоча-шамычым эмлалташ, кӱлешан медицине полышым налаш колта.
Тений акций 1 ноябрь гыч 1 декабрь марте эрта. Тудын дене кылдалтше чыла уверым «Йоча хоспис» поро кумыл фондын социальный кыллаштыже, тыгак www.coffee-dobro.ru лаштыкыште муаш лиеш. Йодмашым сайтысе формо але фандрайзинг шотышто директор да акцийым вуйлатыше Екатерина Стуконог гоч +7 (931) 394-80-56 номеран телефон да fund@kids-hospice.ru электрон адрес гоч пуаш йӧн уло.
Фонд комментарийлаште йӧратыме кофейне, бар, ресторан-влакым палемдаш йодеш: ала иктаж-кудыжо тидым ужеш да акцийыш ушнаш кумылаҥеш. Уверлан репостым ыштыше-шамычлан поснак кугу таум ышта, вет тиде сай историйлан утларак участникым муаш полша, а заведений-влаклан – фондым.
#ДобрыйКофе #ДариТепло #Детскийхоспис #Первый_детскийхоспис #Журавлик
Партнёр-влак, ушныза!
М.ИВАНОВА
