СТАТЬИ

Ший тӱсан имне таган да шӧртньо мӱкш

Параньга районлан – 95 ий

Ший тӱсан имне таган да шӧртньо мӱкш

Ал да ужар тӱс дене шелалтше пасум шӧртньӧ лышташан да нӧшман ош астра пеледыш, ший (ош) тӱсан имне таган да кок велым кок шӧртньӧ мӱкш, а ӱлнӧ марий тӱрын ош ӱжакаже ушен шогат. Теве тыгайрак Параньга районын гербше. Ош тӱс – рашлык да яндарлык, ал – чолгалык да ӱшанлык, ужарге – илыш вий да поянлык. Нине тӱсым арам огыл ойырен налме – нуно ик ешла келшен илыше марий, татар да руш калыклан утларак лишыл улыт.

Ший тӱсан имне таган эн ончычак илышлан негызым пыштыше ял пашам, пиалым да йӧным тыланыше сурт аралтышым ончыкта да эше тыште шагал огыл чотан татар калыкын юмын йӱлажлан келшыше пелтылзым ушештара. Ош астрат тудын тӱр ойыртемжылан лишыл. А кок велым кок мӱкш марий ден татар да моло калыкын икгаяк пашаче улмыштым, марий тӱран да поро чонан Марий кундемыште келшен ыштымыштым ончыкта. Тыгак лийын да тыгак лийшаш.

Параньга район жапше годым лачак ялозанлыкыште шумо ошкылжо  дене ойыртемалтын. Кызыт тиде пашам «Победа» СХПК ӱшанлын шуя. Республикысе ончыл озанлык-влак радамыште тудо шке вержым муын. А фермер-влак коклаште Матародо кундем гыч Григорий Соколовын пашаче ешыже усталыкше дене ойыртемалтеш. Перерабатыватлыше отрасльым вияҥдымашке «Параньга торф предприятий» ОАО шке надыржым пыштен шога. Районын лӱмгечыжым нуно пашаште у ошкыл дене вашлийыныт.

Юрий ИСАКОВ.

Ю.Исаковын фотожо.

Снимкыште: Параньга район администраций.

Добавить комментарий