Марий талешке кече вашеш республикысе Марий тӱвыра рӱдер «Ший талешке» шанче-практик конференцийым эртара.
Тушко чыла тӱрлӧ образовательный учрежденийын тунемшыже-влак ушнен кертыт. Конференций кок направлений дене эрташ тӱҥалеш: «Кызытсе талешке мемнан коклаште»; «Еш – мыйын эҥертышем».
Шымлымаш пашам марла ямдылыман. Шкетныат, коллектив денат тудым презентоватлаш лиеш. Материалым 18 апрель марте mari-centr_konkurs@mail электрон адресыш колтыман. Чыла йодышым тыгай телефон дене рашемдаш лиеш: (8362) 45-88-51. Ойыртемалтше-влакым тӱрлӧ ийготан-шамыч коклаште кажне номинацийыште палемдат.
С.Носова
