Таче «Шочмо элын геройжо-влак» тоштер-патриот рӱдерыште «Ший талешке» шымлымаш паша конференций эртен.
Тений тудо Марий талешке кечылан да Шочмо элым аралыше-влакын идалыкыштлан пӧлеклалтын. Районласе школла гыч тунемше-влакын пашаштым кум номинацийыште онченыт: «Талешке мемнан коклаште», «Элым аралыше-влак. Мыйын ешемын историйже» да «Марий ӱдырамаш – Кугу сарын тулыштыжо». Участник-влакым саламлаш Марий Эл Кугыжаныш Погын председательын икымше алмаштышыже Лариса Яковлева, тӱвыра, савыктыш да калык-влакын пашашт шотышто министрын алмаштышыже Михаил Матевеев да МарНИИЯЛИ директор Людмила Григорьева миеныт.
Фотом республикысе Марий тӱвыра рӱдерын воткыл лаштыкше гыч налме.
