Финн-угор калык-влакын мурыштым йоҥгалтарыше-влаклан регион-влак кокласе «Ший памаш» фестиваль-конкурс 15 да 21-23 ноябрьыште лиеш.
Тушко ушнаш йодмашым 6 октябрь марте пуэн шуктыман.
15 ноябрьыште «Ший памаш-йоча-влак» фестиваль эрта. Тушто 7-15 ияш солист да мурышо ансамбль-влак мастарлыкым ончыктат. Усталык коллективыште участник-шамыч 6-15 ияш лийшаш улыт.
21-23 ноябрьыште 16 ияш да тылеч кугурак солист да вокал ансамбль-влак мурен моштымо мастарлыкышт дене палдарат.
Усталык таҥасымашке у мурым лукшо композитор ден поэт-влакынат пашаштым посна аклаш тӱҥалыт.
Алевтина БАЙКОВА ямдылен
