Сад-пакчаште, шӱгарлаште, паркыште, пӱртӱсыштӧ коля йӱштымужым авалташ огыл манын, Роспотребнадзорын Марий Элысе виктемже нине ой-каҥашым шотыш налаш темла:
- мланде ӱмбалнысе кушкыл арва лончым чарагида да шӱлымӧ корным петырыде ида тарватыл;
- пӱртӱсыштӧ жаплан шогалме але йӱдлан малаш кодмо годым кушкылдымо але кукшо ошман кумдыкым ойырен налза;
- шудо каваныш, олым скирдыш, шалашыш, кудалтен кодымо оралтыш малаш ида пуро;
- палаткыште малыме годым чыла вишым петырыза;
- кочкышым сайын петырыме йоҥгытышто кучыза, кӱмыж-совлам шудыш, пундышыш да мойн ида пыште, тидлан клеёнкым шарыза;
- пӱртӱсыштӧ налме вӱдым шолтыде ида йӱ;
- кушкыл оргажым, пум погымо годым пижым чийыза, шӱлымӧ корным нылыте осылымо марле повязке дене аралыза;
- кочмо деч ончыч кидым мушса.
М.ИВАНОВА ямдылен
Фотом интернет гыч налме
