ТАЗАЛЫК

Коктым олмыктымо, кумшо — черетыште

«Здравоохранений» национальный проектын «Икшыве-шамычлан медицине полышым пуашлан кызытсе жаплан келшыше инфраструктурым ыштен, йоча здравоохраненийым вияҥдыме программе» регионысо проектым илышыш пуртымо кышкарыште Морко ден Медведево районласе рӱдӧ больнице-влакын йоча поликлинический отделенийлаштым олмыктымо. Пашан чумыр суммыжо 1,36 млн. теҥгеш шуын.
Отделений-шамычлан тыгак мебельым, навигацийым, стенд, модыш, видеокамер-влакым налме.
Республикысе медорганизаций-влакын йоча поликлиникыштын да поликлинике шотан отделенийыштын материально-технический базыштым пеҥгыдемдашлан чылаже 13,5 млн.теҥгеаш контрактым ыштыме.
Волжск оласе рӱдӧ больницын йоча отделенийжым капитально олмыкташлан 20 млн.теҥгеаш контрактым ыштыме. Тудын дене келшышын, окнам, электровоштырым, коммуникацийым вашталташ паледыме. Кызытеш отделенийыште коронавирусан пациент-влакым эмлат. COVID-19 дене кылдалтше сӱрет саеммеке, олмыктымо пашам тӱҥалыт веле.
2020 ийыште регионысо тиде проектым илышыш пурташлан 177,7 млн. теҥгем ойыраш палемдыме. Июль тӱҥалтыш марте 48,6 млн. теҥгем кучылтмо.

М.ИВАНОВА

Опубликовать в Одноклассники

Добавить комментарий