9-15 сентябрьыште Марий Элыште ОРВИ дене черланыме 2463 случайым регистрироватлыме. Тидыже кодшо арнясе деч 57,8 процентлан шукырак. Черланыше-шамычын чумыр чотышт гыч 1624 еҥже – 14 ияш марте йоча.
2019-2020 ийысе эпидсезонышто республикыштына иммунизаций дене 308100 еҥым авалташ палемдыме. Тымарте 134,618 дозо вакциным кондымо: 94,004 дозым – кугыеҥ-шамычлан, 40,514 дозым – йоча-влаклан.
16 сентябрь йотке 28383 йочалан да 41897 кугыеҥлан грипп дечын прививкым ыштыме. Иммунизаций умбакыже шуйна.
М.ИВАНОВА
