Кугу Сеҥымашын 80 ияш лӱмгечыже вашеш Марий Элыште «Книга памяти» электрон книгам ямдыленыт.
Марий Эл Кугыжаныш архивын сайтыштыже «Книга памяти Республики Марий Эл. 1941-1945 гг.» разделым ыштеныт. Тушко Марий Эл гыч Кугу Отечественый сарыште лийше участник-влак нерген сведенийым чумырымо. Чыла данныйым алфавит почеш вераҥдыме. Тыгак район да оласе округ-влаклан шеледыме, умбакыже – ял шотан илем ден ял-влакым ончыктымо. Тыгак раш информациян спискым ончен лекташ указатель уло. Кажне населенный пункт нергенат исторический справке пуалтын. Тидлан кӧра еҥ-влак нерген уверым кычал муаш йӧнан.
Светлана Носова
Фотом Марий Эл правительствын ВК воткыл лаштыкше гыч налме
