Марий Элым вуйлатышын пашажым жаплан шуктышо Юрий Зайцевын боевой действий-влакын ветераныштын да районысо мер организаций-шамычын еҥыштын тӱҥалтышыштым сайлан шотлымыж дене Шернурышто Сарзе чап тоштерым олмыктат.
Ветеран-влакын шотлен лукмышт почеш, тидлан 700-750 тӱжем теҥге кӱлеш. Ю.Зайцев палемдыме суммым муаш сӧрен.
Кызыт Шернурышто боевой действий-шамычын участникышт ден ветераныштым шарныме лӱмеш почмо мемориал комплексым тӱзатат. Район администрацийым вуйлатыше Александр Кугергинын палемдымыж почеш, тиде паша верысе калыкын тӱҥалтышыжлан полшымо программын кышкарыштыже шукталтеш да 1 август марте мучашлалтеш.
«Пеш сай комплекс. Республикыште тыгай мемориал-влакым тӱзатыме пашам обязательно шуена», – манын Ю.Зайцев.
Марий Эл Республикым вуйлатышын организаций да аналитике виктемжын уверже негызеш М.ИВАНОВА ямдылен
