25 август гыч Йошкар-Ола – Санкт-Петербург маршрут дене автобус кошташ тӱҥалеш.
Автобус арняште кок гана, изарнян да рушарнян, 6 шагатат 20 минутлан автовокзал гыч тарвана. Тудо Нижний Новгород гоч кудалеш, кӧлан кӱлеш, Нижний Новгородышто да Москваште волен кодын кертеш. Тидыже моткоч йӧнан, молан манаш гын технический амаллан кӧра 17 август гыч Йошкар-Ола гыч Нижний Новгородыш автобус кудалыштмым чарнен, а Москвашке эр рейсым кораҥдыме.
Санкт-Петребургыш автобус ик сутка гыч, 6 шагат эрдене, миен шуэш. Билетым автовокзалын кассыштыже але онлайн налаш лиеш.
Л.СЕМЕНОВА
М.Скобелевын фотожо
