Марий Элыште 17 январь гыч йоча-влаклан «Самырык экскурсоводын школжо» пашам ыштен.
Мероприятий талантан йоча да самырык-влаклан полышым пуышо «Волгенче» регионысо рӱдерыште эртен.
Вич кечыште республикын тӱрлӧ кундемже гыч ӱдыр-рвезе-влаклан теорий да практике занятий-шамыч лийыныт. Нунылан тыгак тоштер пашаеҥ, экскурсовод да моло специалист-влак мастер-классым ончыктеныт, тренингым эртареныт.
Г.Кожевникова
Фотом Марий Эл Образований да науко министерствын соцкылысе лаштыкше гыч налме