Теҥгече Республик Правительстве пӧртыштӧ Марий Эл вуйлатыше Александр Евстифеев совещанийым эртарен. Тушто Йошкар-Ола аэропортын пашам тӱҥалшашыж нерген мутланыме.
Мутланымаште РФ Федерал Погынымашын Федераций Советшын членже Константин Косачев, «Руслайн» авиакомпанийын генеральный директоржын алмаштышыже Андрей Духанин, «Росавиацийын» представительже Александр Аверкиев лийыныт.
Палемдыме: республик аэропортым да тушто самолёт шичме-нӧлталтме полосам технически тӧрлатыме шотышто обязательствым, тыгак лӱдыкшӧ деч посна чонештыме шотышто чыла йодмашым шуктен.
Рейсым варалан кусарымым шупшыктышо компаний вуйлатышын алмаштышыже игече начарештме да тидлан кӧра самолёт шичме-нӧлталтме полосам ямдылыме шотышто график деч вараш кодмо дене кылден. Лишыл жапыште тыгак аэродром озанлыкым шотыш конден шуктышаш улыт, палемдыме совещанийыште.
И.Юрьев.
