Палемдыме кушкыл ден саска онкологий дене черланыме деч аралат:
- Ужар чай. Шолшо вӱдым темыме деч вара чайым 10 минут шинчыктыман, вара 1 шагатыште йӱын пытарыман. Кечыште 2-3 чукыр ужар чайым йӱаш темлат.
- Олив ӱй. Йӱштӧ йӧн дене пунчал налме пайдалырак. Ӱйым кажне кечын 1 кугу совла дене подылман.
- Куркума. Тудым кочкышыш шем пурыс йӧре шавалтыман. Кечылан ик чывыштышат сита. Тыгаяк куатан имбирьымат кочкаш пайдале.
- Вишне, эҥыж, модо, шемэҥыж, шордымодо, турнявӧчыж. Нине саскам свежанекат, кылмыктымымат мыняр шонет, тунар кочкаш лиеш.
- Сливе, персик, абрикос да томан чыла фрукт. Нуно тылеч кӱшнӧ палемдыме емыж деч удан огыл полшат.
- Ыресла пеледышан пакчасаска: брокколи, пеледышан да моло ковышта. Нуным шолтен огыл, а кӱктен але пароваркыште ямдылен кочкаш пайдале. Кӱчымынекат кочкаш лиеш.
Маргарита ИВАНОВА ямдылен
Авторын фотожо/ «Марий Эл» увер агентстве
