«МАРИЙ ЭЛ» ТАЧЕ

Сайлымашым кажне эскерен кертеш

Таче Йошкар-Оласе Ий полатыште Россий президентым сайлымашым Эскерыше мер штабын рӱдерже почылтын.
Тушко сайлымаш кампанийым эскерыме пашаш ушнышо республикысе чыла гаяк партий ден мер организаций вуйлатыше-влак толыныт ыле. Штаб вуйлатыше, «Марий Эл» увер агентстве директор Евгений Кузнецов рӱдер дене, сайлымаш кечылаште тудо кузе пашам ышташ тӱҥалме радам дене палдарен, лекше йодыш-влаклан вашештен.
Шушаш сайлымашлан Ий полатын фоештыже чылажат ончылгоч келыштарыме: ик кугу экраныште иканаште тӱрлӧ избирательный участке гыч онлайн-транесляций-влак каяш тӱҥалыт. Тидыже эскерыше-шамычлан веле огыл йӧнан лийже манын ышталтын. Кажне кумылан еҥ, тушко пурен лектын, ончен кертеш. Туштак эскерыше-шамычлан шинчын, компьютер дене пашам ышташ йӧн лиеш. Евгений Кузнецов сайлымашым эскерыме пашаш поснак тӱрлӧ партийын кумылын ушнымыштлан тауштен.
Ушештарен кодыман, шушаш кум кечыште Эскерыше мер рӱдерын омсаже эр гыч кас марте чыла избиратель-влаклан почмо лиеш. Тидыже Россий президентым сайлымаш законын чыла йодмыж почеш каяш тӱҥалеш манын ӱшаным пуа.
С.Носова
Снимкылаште: Эскерыше мер рӱдерым почмо годым.
Авторын фотожо.

Опубликовать в Одноклассники

Добавить комментарий