САМЫРЫК ТУКЫМ

Сай шӱкалтыш

Самырык ӱдыр-рвезе-влак Россий Правительстве ден Президентын стипендийыштым налын кертыт.

Тений экономикым вияҥдымаш направлений почеш тунемше 2700 студент ден 300 аспирантлан Президентын шийвундо полышыжым пуат. Правительствын стипендийже 4500 студент ден 500 аспирантлан ойыралтеш. Кунам да кузе тудым налшашым тунемме вузышто рашемдыман.

Тыгак шинчымаште да шанче пашаште кугу кӱкшытыш шушо 700 студент ден 300 аспирант Президентын стипендийже верч таҥасен кертеш. Ты аланыште Россий Правительстве 1200 студент ден 300 аспирантлан оксам пуаш ямде.

Йолташ-влак, теат конкурсыш ушныза. Тидлан 1 июнь марте  https://minobrnauki.gov.ru сайтыште йодмашым колтыман.

 

О.МОШКИНА

Опубликовать в Одноклассники

Добавить комментарий