Российыште ик эн сай
«Защитники Отечества» кугыжаныш фондын Марий Элысе филиалжым май тылзын лектышыже почеш Российыште ик эн сай велым палемденыт.
Регионыштына «Герои Марий Эл. Талешке-влак» программыш ушнышо участник-шамыч вашмутланымашым эртат. Тылеч вара кумло еҥым ойырен, туныкташ тӱҥалыт.
Специальный военный операцийын ветеранже Николай Миншатов службо нерген да молан ты проектыш ушнымыж дене палдарен. Тудын ойжо почеш, тыгай программе спецопераций гыч пӧртылшӧ-влаклан ончыкшым шуаралташышт полша.
«Герои Марий Эл. Талешке-влак» программе ӱмаште Россий Федерацийын президентше Владимир Путинын СВО ветеран ден участник-влаклан полшымо «Время героев» проектым вияҥдаш шонымаш дене ышталтын. Регионысо программым илышыш пуртымо, вияҥдыме шотышто Марий Элысе филиал кугу надырым пышта.
– Поснак фондын пашаеҥже-влаклан полшымыштлан тауштем. Паша лектышыштым шотыш налын¸ иктешлыме деч вара мемнан филиалым Российыште ик эн сай семын палемденыт. Элнан вияҥмашкыже ушнышо ветеран, геройна-шамычым поддержатлыше-влак дене кугешнем, – манын палемден регион вуйлатыше Юрий Зайцев шке Телеграм-каналыштыже.
Таче кечылан «Герои Марий Эл. Талешке-влак» кадр-шамычым ямдылыме регионысо программе СВО-н участникше-влаклан шке моштымыштым вес пашаште, управлений аланыште вияҥдаш манын ышталтын.
