Шке кундемдам йӧратеда, тудым сайын паледа, тугеже те «Российын эн сай гидше» всероссийский акцийыш ушнен кертыда.
Тидлан 2 минут шуйнышо видероликым ямдылыман, тушто те илыме вердан ойыртемже, сылне верже, тоштер ден паркше, калыкше нерген палдарен кертыда. Тидлан профессионал экскурсовод огыда лий гынат, акцийыш ушнаш лиеш. Сеҥыше-влакым 5 номинацийыште ойырат:
«Ола» (историй, легенде, оҥай вер);
«Тоштер» ( событий, ӧрыктарыше экспозиций,оҥай историй факт);
«Экотуризм» (маршрут, национальный парк, ир пӱртӱсан вер);
«Гастрономий» (калык кухньо: ожнысо да кызытсе жапысе);
«18 ияш марте» (12 гыч 18 ияш марте ийготан-шамычлан).
Оҥай, ойыртемалтше экскурсий-влакын авторыштым Руш географический обществе окса премий, диплом да пӧлек вуча. Видероликым лучшийгид.рф (https://лучшийгид.рф/) сайтыш вераҥдаш лиеш.
С.Носова
