УВЕР ЙОГЫН

Радам пале

Вӱргечын Марий Эл Избиркомышто Кугыжаныш Погыныш депутат-влакым сайлымаш бюллетеньыште партий-влакын радамыштым жеребьевко йӧн дене палемденыт. Радам тыгай лиеш:

  1. «Единая Россия»
  2. «Новые люди»
  3.  ЛДПР
  4. «Коммунисты России»
  5. «Партия пенсионеров»
  6. КПРФ
  7. «Справедливая Россия – за правду».

 

Республикыште чылаже 1353 депутатым сайлаш тӱҥалына. Марий Эл Избирком председатель Ирина Татаринован палдарымыж почеш, кушко мыняр кандидат темлалтме шотышто 24 июльлан данный тыгай:

— Кугыжаныш Погыныш 527 кандидат темлалтын (ик мандатлан – 10 еҥ);

— Йошкар-Олаште депутат-влакым сайлымашке 206 кандидат (ик мандатлан 5 еҥ);

— муниципал сайлымашлашке 1266 мандатлан 1799 кандидат.

Кугыжаныш Погыныш кандидат-влакым регистрироватлыме иктешлымаш 2 августышто, муниципал сайлымашлашке 7 августышто пале лийыт.

– 6, 7 да 8 сентябрьыште йӱклымаш УИК пӧлемлаште, мӧҥгыштӧ да тора илемлаште тӱшка дене эрташ тӱҥалеш. Чыла кӱкшытан сайлымаштат ты гана дистанционный электрон йӱклымаш йӧн дене пайдаланаш да интернет гоч йӱклаш лиеш.

Кодшо ийласе семынак теният Кугыжаныш Погыныш депутат-влакым сайлымаште «Мобильный избиратель» технологий кучылталташ тӱҥалеш. Тыге  республикысе кеч-могай участкыште йӱклаш лиеш.

5 августышто эфир жапым шеледыме шотышто жеребьевко лиеш. 10 август гыч СМИ-ште сайлымаш деч ончычсо агитаций жап тӱҥалеш, – палдарыш Ирина Татаринова. Да пытартышлан ешарыш: – Тендан йӱкда кӱлешан! Ончыкылыкым ыштымашке ушнаш пуалтше йӧн дене пайдаланыде ида код!

Любовь Камалетдинова

Авторын фотожо

Опубликовать в Одноклассники

Добавить комментарий