Йошкар-Ола ден Медведево посёлко кокласе Черняков уремын рекреационный зоныжым чоҥымо паша умбакыже шуйна.
Ола инфраструктурым вияҥдыме проект писын чоҥалтше кумдыклаште транспорт дене кылдалтше йодышым саемдымашке виктаралтын. Черняков урем у илыме комплексын транспорт йогынжым кызыт улшо корно сеть дене ушен шога. Тылеч посна чоҥен пытарыме деч вара парковко 174 вер марте шукемеш.
Проект дене келшышын, тыгак тротуарым шарат, бульварыште йоча модмо площадкым, каналтыме верлам ыштат. Тӱзатыме сомыл кайыме гутлаштак пушеҥге ден вондерлам шындат. Чыла пашам 2025 ийыште ыштен пытараш палемдыме, проектын чумыр акше 630 миллион теҥгеш шуеш. Паша инфраструктур бюджет кредит-влакын средствашт кӱшеш шукталтеш.
Марий Эл Республикым вуйлатышын пресс-службыжын уверже негызеш
Лидия СЕМЕНОВА ямдылен
Денис РЕЧКИНЫН фотожо
