«Защитники Отечества» фондын республикысе филиалже Талешке-влалан полшаш виктаралтше «Жить» проектым умбакыже шуя.
Специальный военный операцийын сарзыже-влакын авашт ден пелашыштлан тӱвыра мероприятий, усталык мастер-класс да экскурсий-влакым эртарат.
Кужэҥер ден Шернур районласе еш-влак июльышто погынат. Кодшо ийын нуно Кукнур кундемысе марий Йӱштӧ Кугызан илемшкыже миеныт гын, тений Марий Швецарий манме Визым ялыште лийыныт.
Фондын регионысо филиалжым вуйлатыше, Мужество орденын кавалерже Ренат Магсумовын палемдымыж почеш, талешке-влакын лишыл еҥыштлан тыгай погынымаш моткоч кӱлешан. Вет нуно икте-весыштым уто шомак деч посна умылат.
Снимкыште: Марий Швейцарийыште вашлиймаш годым.
«Защитники Отечества» фондын республикысе филалжын пресс-службыж гыч налме фото.
