15 августышто республикыштына «Профессионалитет» федеральный проект почеш ик эн кумдан эртаралтше приёмный кампаний мучашлалтын. 2024 ий 20 июнь гыч тудын программыж дене тунемаш пураш кумылан-влак деч чылаже 1500 йодмаш пурен.
Ушештарена, таче Марий Элыште «Профессионалитет» проект почеш кок тунемме-производство рӱдер (кластер) пашам ышта. Тиде – кушкылым ончен куштышо да кормам ыштен лукшо «Агротехник» ден радиоэлектронике направлений дене «Радиоэлектроника-РМТ». Приёмный комиссий-влак республикнан кыдалаш образованийым пуышо 17 тунемме верыштыже пашам ыштеныт. Тунемаш пурышо-влакын спискышт 21 августлан ямде лиеш.
Г.Кожевникова
Фотом «Профессионалитетын» приёмный кампанийжын пресс-службыж гыч налме
