19 июльышто «Марий Эл» газет редакцийыштына «Марий Эл» ден «Сурт-пече» газет-влаклан 2022 ийын кокымшо пелийжылан возалтше-влакын квитанцийышт негызеш черетан лотерей модылтмашым эртарышна. Сӧрымӧ тӱҥ приз – У Торъял районысо «Первый май» ялозанлык производственный кооперативым-ялозанлык артельым (колхозым) вуйлатыше Аркадий Арсентьевич Новиковын спонсор семын ойырымо презыже – Советский районысо Кужмарий ялыште илыше Лидия Алексеевна Ёлкиналан логалын.
Лудшына-шамыч деч чылаже 296 квитанций пурен. Редакций велым пашаеҥ-влакын тыршымышт да спонсор-шамычын полшымышт дене 36 призым ямдылыме.
Икымше призым – висыме рулеткым – арверын озаже, «Марий Эл» газет редакцийын тӱҥ редакторжо Александр Абдулов модылтен, тудо Звенигово районысо Мочалище посёлкышто илыше З.Андреевалан логалын. Лудшына «Марий Эл»+»Сурт-пече» газет-влак комплектлан возалтын.
Моло приз нине еҥ-влаклан логалын:
модульный сӱрет (спонсоржо – «Мастар мари» ООО-н вуйлатышыже Б.Апакаев ) – Морко районысо Шеҥше селаште илыше А.Семеновалан;
пӱчкын налме пеледышым шындыме вазе – Шернур районысо Куэр почиҥга гыч Р.Конаковалан;
«LEBEN» электрочайник – Морко район Шлань ялыште илыше Н.Оразаевалан;
ӱдырамаш халат – Шернур районысо Шӱкшер ял гыч А.Шаблатовалан;
«Амарис» мебель салонын 5000 теҥгеаш сертификатше – Шернур район Чисола ялыште илыше Р.Чендемеровалан;
салатнице – Шернур районысо Аҥанур ял гыч В.Алгаевлан;
пырдыж шагат – Шернур район Чисола ялыште илыше Н.Аппаковалан;
стакан набор – Шернур районысо Пӱнчерйымал ял гыч Е.Березиналан;
совла набор – Морко посёлкышто илыше Э.Пашкановлан;
противень – Морко район Мызэҥер ял гыч А.Бойковалан;
чайым шолтымо чайник (заварник) – Советский районысо Роҥго селаште илыше М.Васильевалан;
«Энсай» кевыт деч теркупш – Шернур район Пӱнчерйымал ял гыч В.Березинлан;
кум литр мӱй – Шернур районысо Шернур посёлкышто илыше А.Курочкинлан;
ӱстембалшовыч – Медведево район Пурсанур села гыч З.Окуневалан;
электрочайник (1,8 л) – Морко районысо Кокласола ялыште илыше В.Подбойкинлан;
баскетбол мече – Шернур район Лажъял гыч А.Ивановлан;
корка-каструль – Шернур районысо Кугу Торешкӱвар ялыште илыше В.Сандаковлан;
кочкышым кӱктымӧ формо – Шернур район Лажъял гыч Н.Волковлан;
мочыла – Параньга районысо Пумарий почиҥгаште илыше Р.Михеевалан;
А.Петровын «Саликан пиалже» книга – Шернур район Кӱчыкэҥер ял гыч О.Молотовалан;
«Идалыкысе муро-2012» диск – Морко районысо Эҥерсола ялыште илыше Ю.Максимовалан да Марий Турек посёлкышто илыше В.Орспаевлан;
«Чоныштем илет» дискыш войзымо кино – Морко район Усурт Вараҥыж ял гыч А.Пекпулатовалан;
В.Матвеевын «Тыге лиеш мо йӧраташ?» муро дискше – Морко районысо Кожлаер ялыште илыше Р.Калашниковалан;
«Марий Эл радиолан – 8 ий» муро диск – Кужэҥер район Одывлак ял гыч Р.Таныгиналан да У Торъял район Изаҥа ял гыч А.Речкиналан;
вӱдлан фильтр – Параньга районысо Элпанур ялыште илыше Л.Бушковалан;
книга набор – Морко район Кугорнӱмбал Шале гыч Л.Егоровалан, У Торъял район Элеволко ял гыч С.Маковалан, Параньга район Кугу Почиҥга ял гыч Н.Николашкиналан, Советский район Шуймучаш ял гыч Е.Волковалан, Морко район Йошкарэҥер ял гыч Н.Савиновлан;
портышкем – У Торъял район Крешын Руй ялыште илыше Р.Ермаковала.
Газетнам электрон подписке дене налын лудшо-влак коклаште 2023 ийын икымше пелийжылан электрон подписке Н.Яндуловалан логалын, альтернативный йӧн дене налын лудшо-шамыч коклаште фотокорреспондент М.Скобелев деч фотосессий – В.Мочаевлан.
Призым налше кажне еҥым шокшын саламлена, ончыкыжымат «Марий Эл» да «Сурт-пече» газет-влакын ӱшанле йолташышт лийын кодыда манын ӱшанена. Спонсор-шамычланат, тауштен, вуйнам савена, тендан денат кылна эшеат пеҥгыдемеш манын шонена.
Призлан толаш тарваныме деч ончыч газет редакцийышкына 8836249-55-11 телефон номер дене йыҥгырташ йодына.
М.ИВАНОВА
М.Скобелевын фотожо
