Палынем ыле, ÿмаште Марий Элыште 90 ийым темыше да тылеч вара лÿмгечым палемдыше мыняр еҥ Россий Федерацийын президентше Владимир Путинын саламлымашыжым налын?
А.Рыбаков
Шернур район
Йодышлан Марий Элын Калык илышым саемдыме шотышто министерствыжын пресс-службыштыжо тыгеракын вашештеныт:
– 2021 ийыште Марий Элыште Россий Федерацийын президентше Владимир Путинын персональный саламлымашыжым 819 еҥлан кучыктымо.
Саламлымашан серышым 90 ийым темыше 616 еҥ, 95 ияш лийше 192 юбиляр да 100 ияш 11 лÿмгече оза налыныт.
М.ИВАНОВА
