18 апрельыште шке кумылын поро пашаш ушнышо-влаклан пӧлеклалтше практик-влак кокласе «Поро паша регион» Россий конкурсын республикысе этапше тӱҥалеш.
Тушко коммерческий огыл да правительствысе огыл организаций-влак, кугыжаныш да муниципал учреждений-шамыч ушнен кертыт. Йодмо шийвундо кугыт ик миллион теҥге деч шукырак лийшаш огыл. Конкурс 6 май марте шуйна. Йодмашым mol-dvorets@dm-mari.ru электрон почтыш колтыман. Тидын годым «Регион добрых дел – заявка» манын палемдыман.
О.МОШКИНА
