Марий Эл образований да науко министр Лариса Ревуцкая республикысе тунемме верлаште шинчымашым погышо ӱдыр-рвезе-влакым Доброволецын кечыж дене саламлен.
Регионыштына доброволец-влакын толкынышкышт ушнышо-влак ий гыч ийыш шукем толыт. Школлаште, техникум ден колледжлаште таче чылаже 122 тыгай объединений пашам ышта, нуно чумыр налмаште 5000 утла йочам авалтат.
Республикысе чыла район ден олаште тимуровец-влакым отрядышт, Икымше-влакын толкыныштын еҥже-влак улыт. Нуно илалше-шамычлан, специальный военный операцийыште улшо-влакын ешыштлан полшат да шуко моло поро пашам шуктат. Лариса Анатольевна ӱдыр-рвезе-влаклан поро чонан да чолга улмыштлан тауштен ойлен.
Г.Кожевникова
Фотом Марий Эл Образований да науко министерствын сайтше гыч налме
