Россий калык усталыкын сулло коллективше, Олык Ипай лӱмеш Кугыжаныш премийын лауреатше, калык коллектив лӱмым нумалше мурышо да куштышо «Эрвел марий» ансамбль кужу корныш тарванен.
Тудым Ненец автоном округысо Красное посёлкышто эртаралтше «Заполярная финноугория» пайремыш ӱжыныт. Ты мероприятий 27 ноябрьыште Родо-тукым финн-угор калык-влакын кечыштлан пӧлеклалтын.
Пайрем концертыште «Эрвел марий» ансамбльын участникше-влак Курыкмарий, Медведево, Йывансола вел куштымашым, тӱмыр, гармонь дене сылнымут-сылнысем композицийым ончыктат, Пошкырт вел да марий калык муро-влакым мураш тӱҥалыт.
А.Байкова.
