«Защитники Отечества» фонд СВО-н ветеранже-влаклан да тыгак нунын ешыштлан законын палемдыме тӱрлӧ льгот ден социальный гарантий шотышто юридический полышым яра налаш полша.
Яра юридический полышым лӱмын тӱҥалме сарзе операцийыште, Россий Федерацийын границыж воктенысе кундемлам аралымаште лийше, ЧВК-ште шке кумылын службым эртыше да аралыше, ДНР-ын Сарзе вийже, ЛНР-ын Калык милицийже, ДНР ден ЛНР-ын сарзе формирований ден органлаже пелен сӧй пашаште лийше-влак да тыгак нунын ешышт налын кертыт. Закон чылаже 21 тӱрлӧ йодыш шотышто умылен налаш йӧным ышта.
Мемнан республикыште Марий Эл Правительствын полшымыж дене яра юридический полышым пуымо системым радамлыме. СВО ветеран-влакын, ӱмыр лугыч лийше да уверде йомшо-влакын родо-тукымыштын йодышыштым пайдалын рашемдаш манын, «Защитники Отечества» фонд филиал тыгай тӧнежла дене пашам ышта:
• Марий ЭлысеАдвокатпалате (судышто, прокуратурышто, кугыжаныш органлаште, моло тӧнежлаште йодыш-влакым рашемдымаш);
• «Российысе Юрист-влакын ассоциацийышт» Российысе мер организацийын Марий регионысо пӧлкаже (права, налог да моло йодышла дене кӱкшӧ квалификациян специалист-влакын права шотышто тӱҥалтыш консультацийышт);
• Элгӧргӧ политике министерстве (яра юридический полыш шотышто йӧным ыштымаш);
• Марий Элысе Нотариальный палате (ӱшанкагазым – доверенностьым – налме, наследство манмашке пурымо шотышто йодыш-влак);
• Марий Элысе Прокуратур;
• Марий Элыште айдемын праваж шотышто уполномоченный;
• Марий Элыште Юстиций министерстве;
• Суд пристав-влакын федерал службыштын Марий Элысе управленийже;
• Россий Следственный комитетын регионысо следственный управленийже.
