манеш шукерте огыл Йошкар-Олаште лийше «Ералаш» йоча киножурналын художественный вуйлатышыже Борис Грачевский.
Тудо йоча-шамычлан эртаралтше фестивальыш толын. Журналист-влак денат изирак вашлиймашым эртарен.
Йошкар-Ола нерген:
– Йошкар-Олашке кумло ий ончыч толын каенам. Кызыт ола пеш келшыш: мотор, шкенжын ойыртемже уло. Кремль – шкешотан.
Йоча-влак нерген:
– Ӱдыр-рвезе-влак дене пашам ыштыме годым кок татым шотыш налман: нунын интересыштым пагалаш да тыгодым нуным «шӱйыш кӱзыктен шындаш» огыл. Йочалан «личность» семын вияҥашыже полшыман.
«Ералаш» нерген:
–«Ералашын» кажне арнян у выпускшо лектеш. Чебоксарыште студий уло, ынде Йошкар-Олаштат почаш шонена. Вес ийын, мартыште, фестиваль эрта. Тушко кажне кумылан йоча ушнен кертеш.
У ий нерген:
– У ийыште Марий кундемысе калыклан сайынрак илаш, куанаш, пиалан лияш тыланем. Ӱдыр-рвезыда-шамыч идалыкым кумыл нєлтшын эртарат гын, мый пиаланрак лиям ыле.
– Верысе йоча-влак нерген «Ералашым» ышташ шонымаш уло?
– Тыгайым ышташ шонымаш уке. Верысе мыскарам верыште илыше-влакак веле умылат. Молылан оҥай ок лий. Ме элысе чыла йочалан умылаш лийше пашам ыштышаш улына.
Е.Эшкинина.
Авторын фотожо.
