«Периодическая печать Марийской автономной области в 1920-е годы».
у книга ош тӱням ужын. Тудын авторжо-влак МарНИИЯЛИ-н кугурак шанче пашаеҥже Олег Петров ден Марий кугыжаныш университетын отечественный историй кафедржын профессоржо Алексей Иванов улыт.
Монографийыш тӱрлӧ источникыште савыктыме, архивлаште кычал мумо документ-влак негызеш чумырымо материалым пуртымо. Тушто ХХ курымын колымшо ийлаштыже марий периодике савыктышын историйже почылтеш. Автор-влак Марий кундемыште печатьын, полиграфий пашан йол ӱмбаке шогалме, икымше газет ден журналым лукмо паша процесс-влакым анализироватлат. Посна кугу тӱткышым марий журналистикылан негызым пыштыше еҥ-влаклан – В.М.Васильевлан, С.Г.Чавайнлан, Н.В.Игнатьевлан, А.К.Эшкининлан да икмыняр молылан – ойыреныт.
Книга историк, журналист, краевед да Марий кундемын печатьшын йол ӱмбаке шогалме корныжым палаш шонышо кажне еҥлан темлалтеш.
Светлана Носова
Снимкыште: книган тӱжвал сынже.
Авторын фотожо.
