Марий мер илышын ончылъеҥже Лариса Яковлевам Калык паша шотышто федерал агентствын калыкле-тӱвыра автономий-влакын пашашт шотышто консультативный советышкыже пуртеныт.
Тиде ФАДН-н да РФ Общественный палатын Калык да религий-влак кокласе кылым саемдыме шотышто комиссийын пырля эртарыме заседанийыштыже лийын. Лариса Николаевнат тушко ушнен. Ончыктен кодыман, Л.Яковлева Российысе марий-влакын калыкле-тӱвыра автономийыштым вуйлатыме дене пырля тыгак Россий Президент пеленысе калык паша шотышто советын еҥже. Российысе марий-влакын автономийышт нерген ойлаш гын, пытартыш жапыште ты организацийыш элна мучко тӱшкан илыше марий-влак утларак да утларак ушнат.
С.Носова
