9 апрельыште Волго-Вятский округын Арбитражный судшын у зданийжым торжественно почыныт.
Церемонийыште Россий президентын Юл кундем федеральный округышто полномочный представительже Игорь Комаров, РФ Верховный судын председательжын алмаштышыже Юрий Иваненко, Волго-Вятский округын Арбитражный судшын председательже Андрей Толмачёв, кучем органын еҥже ден судья-влак лийыныт.
Игорь Комаров Арбитражный судын пашажым кӱкшын аклен. Ойлымыж почеш, 2024 ийыште Волго-Вятский округын кассационный инстанцийже 7 тӱжем наре делам ончен.
Андрей Толмачёв палемден: у зданий техникын пытартыш йодмашыж почеш ышталтын. Заседаний заллашке видео- да аудиопротоколирований системе ден мультимедийный комплекс-влакым вераҥдыме, электрон архив уло.
Марий Эл вуйлатышын пресс-службыжын уверже негызеш Любовь Камалетдинова ямдылен.
