Суд пристав-влакын федеральный службыжын Марий Элысе управленийжын коллегийжын кумдаҥдыме заседанийже лийын.
Тудын пашашкыже регион вуйлатыше Юрий Зайцев, тыгак Управлений вуйлатыше Анатолий Иванов, исполнительный кучемын федеральный органже-влакын территориальный структурыштын вуйлатышышт ушненыт.
Заседанийыште ведомствын 2024 ийысе пашажым иктешленыт да тений ыштышашым палемденыт.
Анатолий Ивановын каласкалымыж почеш, ӱмаште Управленийыште 504 тӱжем утла исполнительный производство лийын. Тӱрлӧ кӱкшытан бюджетыш чылаже 400 миллион утла теҥгем пӧртылтеныт.
Марий Эл вуйлатыше пашам кӱлеш семын шуктымыштлан суд пристав-влаклан тауштен.
– Ӱшанем, республикым тӱзатышаш да регионышто социальный икшырымлыкым пеҥгыдемдышаш верч умбакыжат тыгак тыршаш тӱҥалыда, – палемден Юрий Зайцев.
Коллегийыште ойыртемалтше пашаеҥ-влаклан ведомствын наградыжым кучыктеныт.
Марий Эл Республикым вуйлатышын пресс-службыжын уверже негызеш Любовь Камалетдинова ямдылен