Ялласе тӱвыра да каныме учреждений-влакым вуйлатыше-шамычын профессионал мастарлыкыштым тергыме конкурс тений У Торъялыште эртен.
Тушко чыла район гычат тӱвыра пашаеҥ-влак ушненыт.
Сеҥыше-влакым икмыняр этапыште тергеныт. Конкурсант-шамыч шкешт дене палдареныт, тӱрлӧ йодышлан вашмутым кычалыныт, «Профессионалын ик паша кечыже» теме дене мӧҥгысӧ пашаштым да вашлиялтше иктаж нелылыкыште корным кузе кычалме йӧным модын ончыктеныт.
Сеҥышыш лектыныт:
I степенян лауреат – Наталья Иванова (Марий Турек район);
II степенян лауреат – Нина Тетюкова (Курыкмарий район), Асия Хасанова (Морко район), Нелли Тойшева (Шернур район);
III степенян лауреат – Наталья Васильева (Волжский район), Александр Онучин (Оршанке район).
Конкурсым Калык усталык да тӱвыра ден каныме паша шотышто шанче-методике рӱдер эртарен.
Снимкыште: Н.Иванова – рӱдерын пашаеҥже-влак дене пырля
Фотом Тӱвыра, савыктыш да калык-влакын пашашт шотышто министерствын сайтше гыч налме
А.БАЙКОВА
Фотом Тӱвыра, савыктыш да калык-влакын
пашашт шотышто министерствын сайтше гыч налме
