М.В.Ломоносов лӱмеш лицей ден Беларусьын Минск областьыштыже верланыше школ коклаште вашкыл ойпидыш ышталтын.
Мемнан тунемме вер ден Копыль оласе Тишка Гартный лӱмеш 2-шо №-ан школ кокласе ойпидышыш кидпалым Санкт-Петербургышто эртыше Россий Федераций ден Беларусь Республикысе школ-влакын ассоциацийыштын форумыштышт пыштыме. Мероприятий иквереш кок эл гыч 150 утла директор ден туныктышым иктеш чумырен.
Ойпидышын тӱҥ шонымашыже: туныктымаште ончыл опыпт да йон дене палдарымаш, телекӱварым, патриотизм шӱлышан да тӱвыра акцийлам пырля эртарымаш, шымлыме да образований проект-влакым илышыш пуртымаш.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.




