1 сентябрь гыч Россий Федерацийын Паша кодексышкыже вашталтышым пуртат.
Тудын дене келшышын, чрезвычайный ситуацийыш (тышке шошым вӱд ташлымашат пура) логалше-влак ешартыш каныш кечым налын кертыт.
Тидын нерген Россий Кугыжаныш Думын энергетике шотышто комитет председательын икымше алмаштышыже Валерий Селезнев ТАСС-лан увертарен.
Тиде каныш кечыжлан туткарыш логалше еҥын паша верыштыже паша кече семынак тӱлышаш улыт. Тыгак каныш кече дене пырля тудо эше 5 кече марте шке кӱшеш налын кертеш. Пашам пуышо тидын шотышто отказышаш огыл.
Михаил Скобелевын фотожо.
