Йошкар-Оласе 11-ше №-ан лицейын командыже Марий Элын чапшым тений июнь мучаште Москваште «Шинчымаш лиге: школ ден колледж-влак» интеллектуал турнирыште аралаш тӱҥалеш.
Лач тиде тунемме верын ӱдыр-рвезыже-влак турнирын регионысо ужаштыштыже сеҥышыш лектыныт. Тушто ты гана 10 команде таҥасен. Йошкар-Оласе 11-ше лицейын командыж деч посна сай шинчымашым тыгак Экономико-правовой гимназийын да Козьмодемьянскысе 1-ше №-ан школын ӱдыр-рвезыже-шамыч ончыктеныт.
Каласыман, финалыш Российын 89 регионжо гыч 400 тӱжем тунемше погына. Мемнан финалист-влакым Марий Эл образований да науко министрын алмаштышыже Валентина Гаврилова саламлен.
Г.Кожевникова
Фотом Марий Эл Образований да науко министерствын сайтше гыч налме
