Марий Эл радион хит-парадше
Йолташ-влак, тендан полшымо дене кодшо арняште мурызо-шамыч коклаштышт тыгайрак «тошкалтышым» чоҥеныт.
- Людмила Конакова – «Шарнымаш»
- Полина Калугина – «Омо ден»
- Геннадий Васильев, Таисия Смирнова – «Ах, могай улат улмаш»
- Диана Ямбаршева – «Йӧратет гын, ит чамане»
- Надежда Степанова, Александр Веткин – «Вучем»
- Валерий Павлов – «Нигунам ом мондо сылне жапым»
- Николай Изергин – «Кӱдырчан йӱр»
- Диана Морозова, Александр Леонтьев – «Лач тиде омо»
- Анна Таюкова – «Пуры ирок»
- Людмила Фавстова – «Сирень»
Йӧратыме мурызыланда ончыл верым налашыже кузе полшышашым огыда пале гын, ушештарена: 5533 кӱчык номерыш SMS-ым колтыман. Тӱҥалтыште МАРИ мутым возыман, вара, яра верым кодыде, мурын номержым шындыман. Муро лӱмым кавычкыш налман огыл. Йӱклымаш SMS-ПОРТАЛ-ыште кая.
Полина Калугина Параньга районысо Памашъял гыч. Кугу Пумарий кыдалаш школ деч вара Йошкар-Оласе медицине колледжыште тунемын. Кызыт тудо Республикысе Г.И.Григорьев лӱмеш офтальмологий эмлымверыште медшӱжарлан ышта.
– «Омо ден» муро Марий Эл радиошто эше шукерте огыл йоҥгаш тӱҥалын. Мурылан мутшым кок ий ончыч возенам да самырык возышо Христина Александровалан редактироватлаш пуэнам. Семым Дмитрий Погадаев возен, тудак аранжировкым ыштен. Тиде почеламутым возаш йӧратымаш дене кылдалтше омым ужмем таратен, – палдара Полина. – Репертуарыштем эше «Шоя йӧратымаш» муро ден «Мемнан нерген» такмак-влак улыт. Кокымшыжым Юлия шӱжарем дене мурена.
Алевтина БАЙКОВА
Фотом еш альбом гыч налме
