УВЕР ЙОГЫН

Оксам налмыжлан «петыреныт»

 

Россий ФСБ-н Марий Элысе управленийжын материалже-влак почеш «Марий Эл Дорстрой» акционер ушемын генеральный директоржын снабжений да ужалыме шотышто ончычсо алмаштышыжым судитленыт.

УФСБ пашаеҥ-влак Росгвардийын Марий Элысе управленийжын «Берсерк» СОБР-жын полшымыж дене кодшо ийын 23 июльышто тудын кугу суммо взяткым налмыж годым кученыт.

 

Россий Следствий комитетын Марий Элысе Следствий управленийжын тарватыме уголовный делажым шымлыме жапыште рашемын: Ульяновскысо ик коммерческий организаций вуйлатыше автомобиль корныш телым кышкаш палемдалтше келшен толдымо качестван технический шинчалым пуымыжлан «Марий Эл Дорстрой» акционер ушемын генеральный директоржын снабжений да ужалыме шотышто ончычсо алмаштышыжлан 2 миллионат 600 тӱжем теҥгем кучыктен.

 

Йошкар-Оласе суд ӱмаште 14 ноябрьыште тиде еҥым 3 ийлан эрык деч посна кодаш, пеҥгыде режиман исправительный колонийыш колташ пунчалым луктын. Тыгак взяткым поген налыныт да Россий Федерацийын собственностьышкыжо колтеныт.

Марий Элысе Верховный Судын 2025 ий 15 январьысе аппеляционный определенийже дене осужденныйлан ешартыш наказаний семын налме взяткыжын кугытшым – 2,6 миллион теҥгем – штраф семын тӱлыкташ палемденыт, палдара Россий ФСБ-н Марий Элысе управленийжын пресс-службыжо.

 

Любовь Камалетдинова

Авторын фотожо

Опубликовать в Одноклассники

Добавить комментарий