ТуТу путешествий сервис ден Медиаразведка provereno.tutu.ru у турист проектым пашаш колтеныт.
Проект почеш эл мучко турист семын кошташ 21 путешествий темлалтеш. Кугу опытан тревел-блогер, журналист ден фотограф-влак, кажне регионыш миен коштын, терген лекме вер-влакым темлат. Нунын коклаште Марий Эл гыч ныл маршрут ончыкталтын:
- Морко район Унчо велысе этнотӱвыра комплекс. Тушто марий кочкышымат авызлаш лиеш.
- Йошкар-Олан шӱмжӧ: исторический олан рӱдыжым, эҥерсерым, Оболенский-Ноготков лӱмеш да Патриарший площадь-влакым, ӧрыктарыше шагатым, М. Шкетан лӱмеш кугыжаныш Марий драме театрым ужаш лиеш.
- Козьмодемьянск мучко экскурсий.
- Шереметьев замок да «ЗаАзяково» экопарк.
«Марий Эл Россий мучко ойыртемалтше маршрут-влак радамыш логалын, тидыже моткоч куандара. Мемнан дене уна-влакым, чынжымак, уло мо дене ӧрыктараш да сийлен колташ», – каласен Йошкар-Ола мэрын пашажым жаплан шуктышо Антон Трудинов.
Снимкыште: Изи Какшан гоч йолын коштмо Воскресенский кӱвар
Светлана Носован фотожо
