2022 ий 1 январь гыч Марий Элыште «Российын почётан доноржо» але «СССР-ын почётан доноржо» оҥыш пижыктыме знак-шамыч дене палемдалтше еҥ-влакын ий еда тÿлыман окса выплатыштым 1,04 пачаш индексироватлыме, рашемденрак каласаш гын, 15713, 84 теҥге марте кугемдыме.
Социально полшымо тиде мерылан средствам федеральный бюджет гыч ойырат. Окса выплатым идалыкыште ик гана апрель марте тÿлат.
«Российын почётан доноржо» але «СССР-ын почётан доноржо» оҥыш пижыктыме знак-шамыч дене палемдалтше еҥ-влаклан выплатым палемдыше органлан 2010 ий 1 июль гыч Калык илышым саемдыме шотышто министерстве шотлалтеш. Ӱмаште тудым 3319 еҥлан тÿлымö, тидлан 50,9 миллион теҥгем кучылтмо, а выплатын кугытшо 15109,46 теҥге лийын.
Выплатым налаш праван еҥ-шамычлан илыме кундемысе калыклан социальный полыш мере-влакым пуымо рÿдерыште йодмашым возыман, пеленже Россий Федераций гражданинын паспортшын, «Российын почётан доноржо» оҥыш пижыктыме знакын удостоверенийжын, тыгак оксам колташ счётын реквизитшын копийыштым пыштыман.
Ий еда тÿлыман окса выплатым палемдыме деч вара регистрацийым угыч эрташ огеш кÿл.
М.ИВАНОВА
