20 январьыште МОСИ-ште ОБЖ предметым туныктышо-влаклан пӧлеклалтше шанче-методике семинар эртен. Мероприятийыш оласе да республикысе школлаште да кыдалаш шинчымашым пуышо туныктымо тӧнежлаште тыршыше кумло утла еҥ чумырген.
Участник-влакым ты кече дене саламлаш Марий Элысе туныктыш да шанче министрын алмаштышыже Валентина Гаврилова ден филологий шанче кандидат, МОСИ-се шанче да проект паша шотышто проректор Купцова Оксана толыныт.
Семинар кышкарыште ОБЖ-м туныктымашке пурталтше у йӧн-влак нерген каҥашеныт. Погынышо-влакын шинчымашыштым «Лӱдыкшыдымылык школ», «Ий йымак логалше-влаклан икымше медецине полыш», «Сар ситуаций годым боевой действийым шуктымаш», «Шкеаралтыш навык» площадкылаште тергеныт.
О.МОШКИНА