– Геннадий, ик презентаций годым тыланет мутым пуымек, «Мыят хулиган сынан почеламутым возкалем» манын ойлышыч. Лач тунам вашлийын кутыралташ шонымашем шочо. Тый нуным йолагай почеламут манын лӱмденат.
– Айда вик каласена: тудын акше да монь нимогай уке. Тӱнямбал да руш литературышто улыт ик, кок, кунамже кум корнанат почеламут-влак, а марий литературышто ончальым – тыгай уке гай чучо, сандене шонен луктым шкаланем йолагай почеламут жанрым. Кокымшо книгашкем тыгай сынан 50 почеламут пурен. Чисто прикол! – рушла ойлышым ынде. Литератур нерген ойлаш тӱҥалыт да йодыт: тыйын почеламутет (але мурет) молан туныкта? А молан тудо туныктышаш? Весым туныктышашлан тый, автор, шкеже эн ондак шнуй (святой) лийшаш улат. Да-да. Мый, мутлан, 63 ияш улам, кызыт марте ӱдырым налын омыл, йочамат уке – мом мый туныктен кертам? Йолагай почеламут – тиде тыглай мут модыш!
– Мый тиде шотышто тый денет адакат ом келше. Шоналтен-вискален лудмо годым тиде кок корнышто моткоч келге философий почылтеш. Книгатын ончылмутыштыжо «Кужу почеламутым возаш ӧрканенам да шочо тыгай сылнымут» манын серенат. Такшым нуно кузе возалтыт?
Бард-мурызо, кызыт Марий тӱвыра рӱдер пеленысе «У муро» студийым вуйлатыше Геннадий ГРИГОРЬЕВ дене вашмутланымашым да тудын «йолагай» почеламутшо-влакым шушаш номерыштына, 11 февральыште лекше «Марий Эл» газетыште лудса.
Л.СЕМЕНОВА
