Фестиваль
Муро йоҥга тораш…
Жап пеш писын эрта. Теве Марий Элын сулло журналистше Раисия Михайловна Данилован мемнан дене уке улмыжлан идалыкат эртыш. Тудо виян кӧргӧ чонжо, поро да пеҥгыде мутшо дене шуко е‰ым илаш таратен.
Ушештарена, Волжский район Корамас кундемысе (Нурмучаш ялыште) «Чоткар Патыр» историй да культур рӱдерыште Раисия Данилова лӱмеш мемориалым почыныт.
Тений 30 июльышто «Умбалне Элнет ӱмбал канде» фестиваль лиеш. Тудо мурызо, мер пашаеҥ Р.Даниловалан пӧлеклалтеш. Фестиваль 13 шагатлан тӱҥалеш.
Теве ынде «ТЕАТР – СЦЕНА имени Р.М.Даниловой» манын возыман сценыште муро йоҥгаш тӱҥалеш. Шукерте огыл чоҥышо-влак бригаде, онаеҥ Аркадий Фёдоровын вуйлатымыж почеш, тӱҥ куварым олмыктеныт, сӧрастареныт. Тыгак «Тазалык памашлан» мотор тӱсым пуртат.
Организатор-влак кумылан-шамычым фестивальыш пагален ӱжыт.
Е.Эшкинина.
