МобилиZацийым увертарыме
21 сентябрьыште Российын президентше Владимир Путин элысе калык дек ӱжмаш дене лектын. Тидын годым частичный мобилизацийым увертарен.
Военный службыш колтышаш призывник-влак ешартыш ямдылалтмашым эртат. Тушто тыгак военный операцийыште лийме опытым шотыш налыт. Варажым утарыме кумдыклашке колтат. Запас гыч гыч призыватлалтше-шамычлан контракт почеш службым эртыше военнослужащий семынак кажне тылзын оксам (40-60 тӱжем теҥгем) тӱлат.
Специальный военный операцийыште участвоватлыше военнослужащий-шамычлан кечаш выплатым (130 тӱжем теҥге марте) кугемдыме да наступательный действийлаште тушманын военный техникыжым пытарымылан оксам ешарен тӱлат (200 гыч 300 тӱжем теҥге).
Тыгак военнослужащий-влаклан «Боевой действийын ветеранже» статусым пуат да нуно кугыжаныш социальный полыш дене пайдаланен кертыт.
Лекше йодышым верысе военный комиссариатлаште рашемден але «Шокшо линийыш» 88362722199 телефон дене йыҥгыртен кертыт.
Е.Эшкинина ямдылен.
