Йошкар-Олаште, Российын Геройжо Д.Э.Шаймарданов лӱмеш 29-ше №-ан школышто, 10-шо классыште тунемше-влаклан «Искусственный интеллект: промпт-инжиниринг» темылан урок эртен.
Тушто Марий Эл Цифр вияҥмаш министрын алмаштышыже Алексей Смирнов ден Юл кундем кугыжаныш технологий университетын увер-шотлымо системе факультетшын доцентше Елена Васяева искусственный интеллектын йӧнжӧ дене палдареныт. Тыге тунемше-влак нейросеть-влакын ышталтмышт, модельым тунемме процесс, базовый алгоритм да шуко моло нерген пален налыныт. Чат-ботым кучылтын, нуно Марий Элын Цифр вияҥмаш министерствыжын ончыкылык оралтыжлан сӱретым ыштеныт.
Г.Кожевникова ямдылен
Марий Эл Образований да нуако министерствын сайтше гыч налме
